Hevpeyvîn: Demhat Dêrikî



Hunermenda hêja Hozan Alîn her çende ev pirsa min klasîk jî be, lê bawerim gelek kes hene mereq dikin Hozan Alîn kî ye. Lewma pirs dikim, gelo Hozan Alîn Kî

ye, zarokatiya wê çawa derbaz bû, di nava malbeteke çawa de mezin bû û çîroka wê ya hunermediyê çawa destpêkir?

Zarokatiya min weku her zarokek Kurd bi asayî derbaz bûye. Weku hûn jî dizanin, ez di nava malbeteke Kurdwer, netewperest de mezin bûm e. Belê, ez li ser rêbaz û

perwerdehî û sicda neteweyî û milet û çanda wê mezin bûm. Min hêj di piçûkatiya xwe de li huneremendên Kurd û mûzîka Kurdî guhdar dikir. Bê guman, jîn û jiyan û

derdê gelê Kurd evîna hunerê di dilê min de çand. Lewma, min di 8 saliya xwe de dest bistrangotinê kir û di 18 saliya xwe de min bi rengekê prfîsyonel dest bi hunerê

kir. Her wiha di nava karê hunerî de berdewam im. Min Zankoya Dermanxane, Înstîtûka Ciwaniya Çerm û Înstîtûka Mûzîkê li Almanya xwendiye, bi dawî kiriye.

Hozan Alîn a hêja, ji bo we huner û hunermendî tê çi wateyê û serkeftina hunermend di kû de veşartiye? Gelek kes dibêjin em hunermedin û heta pir ciwan û keç

hene li pey wan dibezin bê ku bizanin ka ev kes çi dibêje, çi peyamê dide di stranê de lê di hemen demê de hêdî hêdî winda dibin û tên ji bîr kirin. Berûvajî vê,

hunermendên weku MihemedŞêxo, Tehsîn Taha, Eyaz Yûsiv, Erdewan, Meryem Xan û gelek wek wan di dîroka hunera Kurdî cihê xwe girtin û neyên ji bîr kirin,

gelo egerên vê yekê çi ne?
 

Huner, bi dîtina min, huner di ehlaqî û zanistî de ev e; huner nûnertiya wijdan û îrada gel dike. Lewma tê xwestin huner û hunermend azad bin, serbixwe bin. Ji ber ku

hunermend xwemaliya (Mulk) gel e, ango divê hunermend derdê gel bîne ziman. Divê hunermend azad be û serbixwe be! Belê, pir hunermend hatin holê, lê zû ji milet

û jiyana milet qutbûn, wenda bûn û nikarin cihê xwe di wijdanê gel û dîrokê de bigirin. Ji ber ku ew ne hunermendên xwezayî bûn û ne jî xwemaliya gel bûn. Wan

hunermendan di warê kesayetî û fewdalî de israr kirin, ev bû sedema sereke ku zû wenda bûn. Lê, hunermendên wekî; Mihemed Şêxo, Tahsîn, Eyaz û Erdewan hwd..

bûn e sembol û bibilên derdê gelê Kurd û man xwemaliya jîn û jiyana gel, lewma cihê xwe di dilê gelê Kurd û dîrokê de girtin û tucaran namirin.

Hozan Alîn, hunera îro çawa dibîne, gelo hunera Kurdî ji reseniya xwe dûr dikeve yan jî berû pêşve diçe, hêviyekê, ronahiyekê dide paşerojê û di nava vê pirsê de

Hozan Alîn xwe çawa dibîne?

Bê guman, hunera Kurdî ji hemû wextan pirtir tê moxil kirin û bi rengek û pergalek (Sîstem) û rêbazeke akadimîk û profîsyonel bi rêve diçe û di pêşketinê de berdewam

e.

Ez ne şaş bim, ev demeke dirêje hunermend Hozan Alîn li Ewrûpa dijî, gelo ev salên xerîbiyê çi li hunera Hozan Alîn zêde kir yan kêm kir, bandoreke çawa li te

kir?

Bi rastî, hîsa xerîbiyê û dûrketina ji welat û qedexekirina li ser çand û huner û zimanê Kurdî bi deh qat îrada min a neteweyî û Kurdewarî û şoreşgerî xurtir kir. Lewma ji bo

çand û huner û derdê hemû miletên bindest, mîna zincîrê û xelekên xwe, xwe li min pêçan û bi wan jiyana azad û renga reng dijîm.

Rojeke Hozan Alîn çawa derbaz dibe, bi giranî karê we çi ye, ger zehmet nebe dikarin behsa rojeke ji jiyana xwe ji xwendevanan re bikin?

Ez weku jinek Kurd, hunermend û akadimîk pir mijûlim û pir ji bo azadî û îrada serbixwe li ber xwe didim.

Der barê kar û xebatên we yên hunerî ên dawî de, anko berhmeke nû heye? Hûn dikarin bibêjin?

Belê, ez niha li ser berhema 3'yem kar dikim û ev berhem wê mîna suprîzeke mezin be û wê ji her du berhemên min ên borîn xurtir be. Di vê berhemê de

hunermendek Alman ê pir serkeftî û navdar û çend anarcûrên serkeftî û profîsyonel cih digirin, tevlî berhemê min dibin.

Ger zehmet nebe, tu dikare behsa serpêhatiyeke xwe ya balkêş bike ku di jiyana te derbaz bûyî û ji bîra te naçe?

Belê, serpêhatiyek min a pir balkêş û xemgîn di jiyana min de derbas bûyî heye, lê ez naxwazim li ser wê rawestim û dixwazim xwe razî bikim û jibîr bikim!

Hunermenda hêja Hozan Alîn ez gelek sipadarê we me ku we ev derfet da û bersiva pirsan dan û her serkeftî bin di karê xwe yê hunerî û jiyana xwe de.

Di dawiyê de, ez dixwazim sipasiya we kek û mamoste Demhat Dêrikî bikim. Bi rastî ez pir nivîsandinên hewe dişopînim û dixwînim. Bi rastî tu kesek başdinivîsî û diyar

e ku, hunereke serkeftî di we de heye û paşeroja we ronahiye û ez hêvîdarim ku tu berdewam bikî. Her wiha sipasiya Avestakurd dikim û bi rastî Avestakurd ximetek

mezin ji bo huner û pirs û zimanê Kurdî dike û heta niha bi serkeftî û profîsyonelî karê xwe bi rêve biriye û hêvîdarim ku her wiha berdewam bike.

Avestakurd